Atyraý oblysynda 500 shaqyrymnan astam bóget turǵyzyldy

<p>ASTANA. KAZINFORM &ndash; Jylyoı aýdany men Qulsary qalasynda sý tasqynynan zardap shekken nysandardy qalpyna keltirý jumystary jalǵasyp jatyr. Sońǵy táýlikte 77 úıde elektrmen jabdyqtaý, 150-de gazben jabdyqtaý retke keltirilgen.</p>

Qulsary qalasynda zardap shekken 3591 adam 100 AEK mólsherinde birjolǵy materıaldyq kómek alǵan. Munda sý aıdaý jumystary jalǵasýda, osy ýaqytqa deıin 1,8 mln tekshe metr sorylyp, syrtqa shyǵarylǵan. 

«25 sáýirge deıin azamattardan shyǵyndy baǵalaý jáne óteý jónindegi komıssııa 2523 ótinish qabyldady. Múlikti tehnıkalyq tekserýge jáne baǵalaýǵa 40-tan astam maman jumyldyryldy. Jaıyq ózeniniń tasýy jáne Irekli sý qoımasynan sý jiberýdiń ulǵaıýyna baılanysty sý tasqynynyń aldyn alý sharalary jalǵasýda. Bul rette, 500 shaqyrymnan astam bóget turǵyzyldy, 4,7 mln-nan astam qapshyq tóseldi, 15 myńnan astam adam jáne 1,5 myń birlik tehnıka jumyldyryldy», – dedi Atyraý oblysy ákiminiń baspasóz hatshysy Rýslan Jumaǵazıev Ortalyq kommýnıkatsııalar qyzmetinde ótken brıfıngte.