Atyraý oblysynda 2 kúnde jol-kólik oqıǵasynan 3 adam kóz jumdy

<p>Atyraý oblysynda jańajyldyq mereke kúnderi 2 jol-kólik oqıǵasy tirkelip, 3 adam kóz jumdy, dep habarlaıdy <a href="Kazinform." target="_blank" rel="noopener">Kazinform.</a></p>

Atyraý oblystyq polıtsııa departamenti baspasóz qyzmetiniń málimetinshe, jol-kólik oqıǵasynyń biri Qurmanǵazy, ekinshisi Qyzylqoǵa aýdanynyń aýmaǵynda tirkelgen.

«Jańa jyldyń alǵashqy eki kúninde Atyraý oblysynda eki jol-kólik oqıǵasynan 3 adam qaza tapty. Osyǵan baılanysty júrgizýshilerge kóliktiń jyldamdyǵyn shamadan tys asyrmaı, jolda júrý erejesin saqtaýdy eskertemiz. Kólik jolaýshylary júrgizýshige jyldamdyqty asyrmaýdy eskertip otyryńyzdar», - dep dabyl qaqty departamenttiń baspasóz qyzmeti.

Jol-kólik oqıǵasynyń birinshisi 1 qańtarda saǵat 21:30 shamasynda Aqtóbe-Atyraý-Astrahan baǵyty jolynyń 861-shaqyrymy tusynda bolǵan. Jolda kele jatqan Toýota kóligi jaıaý júrginshini qaǵyp ketken. Jol-kólik oqıǵasynyń saldarynan jaıaý júrginshi oqıǵa ornynda jantásilim etken. 

Buǵan deıin habarlaǵanymyzdaı, keshe, 2 qańtarda tańerteńgi saǵat saǵat 08:30 shamasynda Toyota Alfhard avtokóligi aýdarylǵan. Bul jol apaty Qyzylqoǵa aýdanyndaǵy Kenbaı jáne Jamansor eldi mekenderi aralyǵynda bolǵan. Oǵan polıtseılerdiń eki márte eskertýin elemegen júrgizýshiniń kináli ekeni anyqtalyp otyr. Jol apatynan kólik júrgizýshi men 2001 jylǵy jigit kóz jumdy. Al, túrli dene jaraqatyn alǵan úsh jolaýshy Maqat aýdandyq ortalyq aýrýhanasyna jetkizildi.