Atyraý oblysynda 13 qarashaǵa deıin 989 adamnan qyzylsha anyqtaldy

<p>Atyraý oblysynda 2 naýryzdan beri qyzylsha juqtyrýǵa kúdikti 1 846 deregi tirkeldi. Onyń ishinde 13 qarashaǵa deıin 989 adamnan qyzylsha derti anyqtaldy, dep habarlaıdy <a href="Kazinform" target="_blank" rel="noopener">Kazinform</a>.</p>

Atyraý oblystyq sanıtarııalyq-epıdemıologııalyq baqylaý departamentiniń baspasóz qyzmetinen málim etkendeı, qyzylsha juqtyrýdyń alǵashqy deregi 2 naýryzda tirkelgen.

– Bıylǵy 2 naýryz ben 13 qarasha aralyǵynda alǵashqy dıagnozy boıynsha qyzylshaǵa kúdikti 1846 jaǵdaı tirkeldi. Onyń ishinde Atyraý qalasynda – 1677, Jylyoı aýdanynda – 54, Maqatta – 50, Isataıda – 23, Qyzylqoǵada – 16, Mahambette – 13, Inderde – 7, Qurmanǵazy aýdanynda 6 derek anyqtalyp otyr. Zerthanalyq jolmen taldaý kezinde 989 adamnyń qyzylsha juqtyrǵany dáleldendi, - dep habarlady departamentti ńbaspasóz qyzmeti.

Al, zerthanalyq tekserý qorytyndysymen 154 adamnan alynǵan taldaý teris nátıje bergen. Qazir 703 derektiń zertteý qorytyndysy taldanyp jatyr.

Sondaı-aq, Atyraý oblysyna basqa elder men óńirlerden qyzylsha juqtyrǵan 8 adam kelgen. Onyń ishinde 3 adam Túrkııadan, ekeýi Tájikstannan, úsheýiniń Birikken Arab Ámirliginen, Almaty men Astana qalasynanan kelgeni anyqtalǵan.

Eske sala ketelik, buǵan deıin Atyraýda qyzylsha aýrýyn juqtyrǵandar aýrýhanaǵa ózderi barǵanyn jazǵan edik.