Atyraý oblysynda 114 myń gektar jer memleket menshigine qaıtaryldy

<p>Atyra oblysynda aýyl sharýashylyǵy maqsatyndaǵy 216 jer telimi memleket menshigine qaıtaryldy. Jer telimderiniń jalpy aýmaǵy &ndash; 114 myń 656 gektar, dep habarlaıdy <a href="Kazinform" target="_blank" rel="noopener">Kazinform</a>.</p>

Atyraý oblystyq jer resýrstaryn basqarý departamentiniń basshysy Gúlzııa Qurmanovanyń málimetinshe, jyl sońyna deıin memleket ıeligine 210 myń gektar jerdi qaıtarý josparlanǵan.

– Atyraý oblysynda aýyl sharýashylyǵy maqsatyna berilgenimen, ıgerilmegen jer telimderi anyqtaldy. Sondaı jer telimderin qaıtarýdyń birneshe nusqasy qarastyryldy. Jer telimderi paıdalanýshylardyń óz erkimen, paıdalaný merzimi aıaqtalýyna baılanysty, sot sheshimimen jáne ózge joldarmen memleketke qaıtarylyp jatyr. Osy kezge deıin aýyl sharýashylyǵy maqsatyndaǵy 216 jer telimi memlekettiń menshigine qaıtaryldy. Mundaı jer telimderiniń jalpy aýmaǵy – 114 myń 656 gektar. Onyń ishinde 40 gektary egistik, 113 myń 975 gektary jaıylymdyq maqsat úshin berilgen. Al, 641 gektar jerdi ózge maqsatta paıdalaný kózdelgen, - dep habarlady Gúlzııa Qurmanova.

Onyń aıtýynsha, Atyraý qalasynyń mańynan 7 823,38 gektardyń 35 jer telisi qaıtarylǵan. Al, Jylyoı aýdanynda 19 551,5, Qurmanǵazyda – 8 319,25, Qyzylqoǵada – 19 179 gektar jer telimi memleket menshigine berilgen.

Sondaı-aq, Maqat aýdanynda 8 203,15, Mahambette – 15 823,9, Isataıda – 11 596, Inder aýdanynda 24 160 gektar jer telimi qaıtarylǵan. Ieleri óz erkimen jer telimderin memleket ıeligine ótkizgen.

Eske sala ketelik, buǵan deıin Atyraý oblysynda jer qorynyń jartysynan astamy aýyl sharýashylyǵyn damytýǵa qolaısyz ekenin jazǵan edik.