Atyraý oblysynda 100 mln teńgeniń ınvestjobasyna kedergi keltirilgen

<p>ATYRAÝ. KAZINFORM &ndash; Atyraý oblysynda 100 mln teńgeniń ınvestıtsııalyq jobasyna kedergi keltirilgeni anyqtalyp otyr.&nbsp;</p>

Atyraý oblysy prokýratýrasynyń aqparatyna qaraǵanda, front-ofıste ınvestorlardyń shaǵymy jedel túrde qarastyrylǵan. 

«Front-ofıste ınvestorǵa járdem kórsetý jáne ýákiletti organ jol bergen zań buzýshylyqtardy joıý máselesi qaraldy. Maqsat – Memleket basshysynyń tapsyrmasyna sáıkes ınvestıtsııalyq jobalardy súıemeldeýge qoldaý kórsetý. Máselen, «A.Sısenov» jeke kásipkerligi Jylyoı aýdanynyń Qulsary qalasynda jalpy quny 100 mln teńgeni quraıtyn ınvestıtsııalyq jobany iske asyryp jatyr. Investor sút jáne sút ónimderin óndirýge arnalǵan jobany iske asyrý kezinde aýmaqtyq veterınarııalyq baqylaý jáne qadaǵalaý ınspektsııasy tarapynan kedergige tap bolyp otyr. Jergilikti ınspektsııa veterınarııalyq-sanıtarııalyq qorytyndy berýden negizsiz bas tartqan. Osylaısha jobaǵa ákimshilik kedergi keltirildi», - dep habarlady oblystyq prokýratýradan. 

Prokýratýranyń qadaǵalaý aktisi boıynsha ınspektsııa basshysy kásipkerge qorytyndy berýden negizsiz bas tartqany úshin tártiptik jaýapkershilikke tartylǵan. Al, ınvestorǵa salalyq qorytyndy berilgen.

«Investorlardyń quqyqtaryn qorǵaý jáne ınvestıtsııalyq jobalardy súıemeldeý jónindegi jumys jalǵasyn tabady. Bul qadaǵalaý organynyń janyndaǵy mobıldi toptyń udaıy baqylaýynda bolady», - dep málim etti oblystyq prokýratýradan. 

Eske sala ketelik, buǵan deıin Atyraýda munaı kompanııasy memleketke 673,1 mln zalal keltirgenin habarlaǵan bolatynbyz.