Atyraý oblysynda 1 jylda 24 áıel jatyr moıny obyrynan qaıtys bolǵan

<p>ATYRAÝ. KAZINFORM &ndash; Atyraý oblysynda jatyr moıny obyryna shaldyqqan 560 áıel esepte tur. Byltyr atalǵan aýrýdyń saldarynan 24 áıel qaıtys bolǵan. &nbsp;&nbsp;</p>

Atyraý oblystyq onkologııa dıspanseriniń onko-gınekology Jadyra Qudabaevanyń aıtýynsha, bıyl 6 aıda jatyr moıny syrqatyna 56 áıel shaldyqqan.

«Jatyr moıny obyrynan saqtanýdyń negizgi joly – adam papılloma vırýsyna qarsy ekpe alý. Dúnıejúzilik ǵalymdardyń zertteýine súıensek, qaterli isikti týdyrýshy vırýs adam pappılomasy ekeni dáleldengen. Osyǵan baılanysty Atyraý oblysynda 2012-2013 jyldary bul ekpe pılottyq joba retinde iske asyryldy. Sol kezde ekpe alǵan azamatshalardan atalǵan aýrýdyń belgileri anyqtalmady. Sondyqtan bıyl vaktsınany qaıta egý josparǵa engizildi. Ekpe salý oqýshy qyzdarǵa ata-anasynyń ruqsatymen ǵana júrgiziledi», - dep habarlady Jadyra Qudabaeva.

Eske sala ketelik, buǵan deıin Atyraý oblysynda 7 aıda 72 adamnan qaterli ókpe obyry tabylǵanyn jazǵan edik.