Atyraý oblysynan Mańǵystaýǵa kóshirilgen turǵyndar sany artty

<p>AQTAÝ. KAZINFORM - Atyraý oblysynyń Jylyoı aýdanyndaǵy sý tasqyny kezinde Mańǵystaýǵa kóshirilgen turǵyndar sany 18 myńǵa jýyqtady.</p>

Aýdan ortalyǵy Qulsary qalasynda tótenshe jaǵdaı bastalǵaly beri Mańǵystaýǵa evakýatsııalanǵan turǵyndar birneshe eldimekenge jetkizilse, eki myńǵa jýyǵy Aqtaýǵa qalasyna ýaqytsha ornalastyryldy.

«Onyń ishinde Beıneýge 8 510, Boranqul aýylyna 7 371, Eset aýylyna 456, Sarǵa aýylyna 155, Shetpe kentine 6, Aqtaý qalasyna 1893 adam keldi», - dep jazylǵan Mańǵystaý oblysy ákimdigi taratqan resmı málimette.

Atyraý oblysynyń turǵyndary Mańǵystaýǵa poıyzben, ushaqpen de kelip jatyr. Ázirge, Qulsarydan evakýatsııalanǵan adamdardyń naqty sany anyqtalǵan joq.

Keshe Jańaózen qalasynan kómek brıgadasy Qulsaryǵa attandy. Jańaózen qalasynan kómek brıgadasy Qulsaryǵa attandy.

Budan bólek, Aqtaýda 200-den astam Qulsarydan evakýatsııalanǵan turǵyn jataqhanaǵa ornalasty.