Atyraý oblysyna bıyl 9 aıda 21 537 adam kóship kelgen

<p>Bıyl Atyraý oblysyna 9 aıda 21 537 adam kóship kelýshiler kóbeıgen. Onyń ishinde ózge elderden qonys aýdarǵan 466 adam bar, dep habarlaıdy <a href="Kazinform" target="_blank" rel="noopener">Kazinform</a>.</p>

Atyraý oblystyq statıstıka departamentiniń basshysy Nurjan Qumarǵalıevtyń málimetinshe, byltyrǵy osy kezeńde munaıly óńirge kóship kelder sany 13 709 adamdy quraǵan.

– Bıyl 9 aıda Atyraý oblysyna kóship kelýshiler qatary 21 537 adamǵa jetti. Onyń ishinde syrtqy kóshi-qon boıynsha 466 adam qonys aýdardy. Máselen, TMD elderinen 440 adam turaqty turýdy maqsat etken. Máselen, Reseı Federatsııasynan 213, Ózbekstan Respýblıkasynan 205 munaıly óńirge kóship keldi. Al, álemniń basqa elderinen kelgender – 26 adam, -dedi Nurjan Qumarǵalıev.

Onyń aıtýynsha, kóship kelýshiler arasynda elimizdiń ózge óńirleriniń turǵyndary da bar. Bıyl Atyraý oblysyna basqa óńirlerden 5226 adam kóship kelgen. Qonys aýdarýshylardyń 15,7% – Astana qalasynyń, 5,5% – Túrkistan, 18,4% – Aqtóbe oblysynyń turǵyndary qurap otyr.
Al, oblystyń ishki mıgratsııasymen 15 845 adamdy turǵylyqty jerin aýystyrǵan.

Eske sala ketelik, budan buryn Atyraý oblysynda ýaqytsha turý úshin 12789 sheteldikke ruqsat berilgenin habarlaǵan edik.

Keıin Atyraý oblysynda ýaqytsha turýǵa ruqsat berilgen sheteldikter qatary kóbeıgenin jazǵan bolatynbyz.