Atyraý oblysy: Qulsary qalasyndaǵy kópir ýaqytsha jabyldy

<p>ATYRAÝ. KAZINFORM &ndash; Atyraý oblysy Qulsary qalasynda kópir ýaqytsha jabyldy. Óıtkeni kópir qaýipti aýmaqqa enip tur.&nbsp;</p>

Munaıly óńirdegi jalǵyz monoqala ataýy bar Qulsary – Jylyoı aýdanynyń ortalyǵy. Aýdan ákiminiń orynbasary Gúlnafıs Aıshýaqovanyń aıtýynsha, Qulsarydaǵy «Dostyq» shaǵyn aýdany men 5-aýyldy jalǵap turǵan kópir qaýipsizdik sharasyn saqtaý maqsatynda jabylǵan.

«Jylyoı aýdandyq jedel shtabtyń sheshimimen kópirdiń ústimen júrý qaýipti dep tanyldy. Óıtkeni, kópirdiń astymen aǵysy joǵary sý júrip jatyr. Osyǵan baılanysty kópirdi ýaqytsha jabý týraly sheshim qabyldandy. Bul týraly turǵyndarǵa polıtsııa qyzmetkerleri túsindirý jumysyn júrgizýdi qolǵa aldy», - dep habarlady Gúlnafıs Aıshýaqova.

Onyń aıtýyna qaraǵanda, kópir jabylǵanymen, kólik qatynasy úzilmeıdi. Kólikter basqa jol arqyly qatynaıdy. 

Eske sala ketelik, budan buryn Atyraý oblysyndaǵy bir aýdanda tótenshe jaǵdaı jarııalanǵanyn habarlaǵan edik.

Keıin Oıyl ózenindegi sý tasqynyna baılanysty Mııaly aýylynan 559 turǵyn evakýatsııalandy.

Sondaı-aq, Mııaly aýylyna tirelgen sýdyń deńgeıi 1 metr 20 sm qurady.

Oıyl ózeniniń mańynan 7 sharýa qojalyǵy qaýipsiz aýmaqqa kóshirildi.

Mııaly aýylyn tasqyn sýdan qorǵaý jalǵasyp jatqanyn jazǵan bolatynbyz.

Oıyldyń arnasynan asqan sý Mııaly aýyly mańyndaǵy kópirdi buzyp ketti.

Keshe Atyraý oblysyndaǵy Kózdiqara aýylynyń turǵyndaryn evakýatsııalaý bastaldy.

Sondaı-aq, keshe sý tasqynynan Qyzylqoǵa aýdanyndaǵy 8 okrýgke áli de qaýip bar ekenin habarlaǵanbyz.

Búgin Atyraý oblysynda sý tasqynynyń qaýpi áli tolyq seıilmegenin jazǵanbyz.

Al Jylyoı aýdanynda Jem ózeniniń sýy 2 metr 53 sm-ge kóterildi.