Atyraý oblysy Qyzylqoǵa aýdanynyń jańa ákimi qyzmetine kiristi

<p>Atyraý oblysy Qyzylqoǵa aýdanynyń jańa ákimi Qanat Ázmuhanov qyzmetine kiristi. Oblys ákiminiń orynbasary Qaırat Nurtaev saılanǵan ákimdi aýdan aktıvine tanystyrdy, dep habarlaıdy <a href="Kazinform." target="_blank" rel="noopener">Kazinform.</a></p>

Avtıvte aýdandyq saılaý komıssııasynyń tóraǵasy Maqsot Muqanov aýdan ákimi Qanat Ázmuhanovqa tıisti kýálikti tabys etti. 

Qanat Qajyrjanuly Atyraý qalasynda dúnıege kelgen. Ortalyq Azııa ýnıversıtetin quqyqtaný, H.Dosmuhamedov atyndaǵy Atyraý memlekettik ýnıversıtetin qarjyger mamandyǵymen bitirgen. Reseı Federatsııasynyń Astrahan memlekettik ýnıversıtetinen quqyqtaný magıstri, Ortalyq Bogemııalyq qoldanbaly ǵylymdar jáne menedjment ınstıtýtynan iskerlik ákimshilik júrgizý doktory dárejesin alǵan. 

Foto: Atyraý oblysynyń ákimdigi

Eńbek jolyn «Jýze» JShS zań keńesshisiniń kómekshisi, zańger bolyp bastaǵan. «Kaspıanprodjektservıs» JShS dırektorynyń orynbasary, dırektory, keıin «RegionTransCom» JShS-niń bas dırektory bolyp jumys istegen. 

2010-2012 jyldary – «Nur Otan» partııasy Atyraý oblystyq fılıalynda keńesshi, uıymdastyrý-partııa jumysy bóliminiń meńgerýshisi, 2013-2016 jyldary «Nur Otan» partııasy Atyraý qalalyq fılıaly tóraǵasynyń birinshi orynbasary, 2016 jyldyń sáýirinen 2018 jyldyń qazanyna deıin Atyraý qalalyq máslıhatynyń hatshysy laýazymyn atqarǵan. 

2018 jyldyń qazanynan «Region Trans Com» JShS-niń kadr jónindegi dırektory, 2020 jyly Eńbek jáne halyqty áleýmettik qorǵaý mınıstrligi áleýmettik áriptestik departamentiniń dırektory, 2020 jyldyń 21 tamyzynan Atyraý oblystyq ishki saıasat basqarmasynyń basshysy bolǵan. 2022 jyldyń tamyzynda Qyzylqoǵa aýdanynyń ákimi bolyp taǵaıyndalǵan. 

Eske sala ketelik, Atyraý oblysynda eki aýdanǵa ákim saılanǵanyn jazǵan bolatynbyz.