Atyraý oblysy ákiminiń grantymen joǵary bilim alǵan 13 dáriger jumysqa ornalasty
Atyraý oblystyq densaýlyq saqtaý basqarmasy basshysynyń orynbasary Almagúl Ábilovanyń málimetinshe, 2017 jyldan beri mektep bitirgen túlekterge ákimniń bilim granty berile bastaǵan.
«Óńirde dáriger tapshylyǵy máselesin oń sheshý úshin 2017 jyldan beri medıtsına salasyn tańdaǵan túlekterge 616 grant bólindi. Al, 2018 jyldan rezıdentýra baǵdarlamasymen bilim alǵysy kelgen mamandarǵa grant qarastyryldy. Atyraý qalasyndaǵy emdeý mekemelerinde jumys isteýge nıetti mamandarǵa 5 mln teńge, aýdan ortalyǵyna barǵan dárigerlerge 8,5 mln teńge bir rettik járdemaqy beriledi. Al, shalǵaıda ornalasqan eldi mekenderde jumys isteıtin dárigererge beriletin járdemaqynyń mólsheri 10 mln teńgege jetti. Qazir medıtsına mamandaryn baspanamen qamtýǵa arnalǵan óńirlik baǵdarlama iske asyrylyp jatyr», - deıdi Almagúl Ábilova.
Onyń deregine qaraǵanda, bıyl dáriger bolýdy qalaǵan 113 jasqa oblys ákiminiń granty berilgen. Onyń ishinde 82 túlek bakalavrıatta, al, 31 jas rezıdentýrada oqyp júr.
Oblys ákiminiń grantymen rezıdentýrany bitirgen jas mamannyń biri – Qýanysh Qubaıdollauly. Qazir ol oblystyq kardıologııa ortalyǵyna jumysqa ornalasqan.
«Oblys ákiminiń grantyna 2021 jyly ıe bolǵan edim. Bilimimdi Aqtóbe qalasyndaǵy M.Ospanov atyndaǵy Batys Qazaqstan medıtsına ýnıversıtetinde reanımatolog mamandyǵy boıynsha rezıdentýrada jalǵastyrdym. Qazir oblystyq kardıologııa ortalyǵynda dáriger- anestezıolog-reanımatolog bolyp jumys isteımin. Jergilikti atqarýshy organ tarapynan jastardyń joǵary bilim alýyna osyndaı qoldaý kórsetilse, kadr tapshylyǵy máselesi sheshimin tabady», - deıdi Qýanysh Qubaıdollauly.
Dárigerdiń aıtýyna qaraǵanda, kardıologııa ortalyǵynda júrekke kúrdeli otalar jasala bastaǵan. Ortalyq dárigerleri kún saıyn 3-4 ota jasaıdy.
Eske sala ketelik, budan buryn Atyraýlyq túlekterlerge oblys ákiminiń 148 bilim granty bólingenin habarlaǵan edik.