Atyraý munaı óńdeý zaýytynyń jelisindegi aqaý tolyq joıyldy

<p>ATYRAÝ. KAZINFORM &mdash; Atyraý munaı óńdeý zaýytynyń jelisinde janarmaı aqqan edi. Búgin zaýyttan aqaýdyń tolyq joıylǵanyn habarlady.</p>

«AMÓZ» JShS baspasóz qyzmetiniń aqparatyna qaraǵanda, avtobenzın aıdaýǵa arnalǵan jerasty qubyrynyń aqaýly bóligi tolyǵymen qalpyna keltirilgen. 

— Zaýyttaǵy № 33 rezervýar parkine taýarlyq benzın komponentterin aıdaý jelisinde aqaý anyqtalǵan bolatyn. Jaýapty mamandar qubyrdy rezervýardan ajyratý sharasyn júrgizdi. Tógilgen munaı ónimi sorylyp, óńdeýge jiberildi, - dep habarlady zaýyttyń baspasóz qyzmeti. 

Qazir zaýytta arnaıy komıssııa qurylǵan. Bul komısııa zaýyttaǵy aqaýdyń sebepterin anyqtaýǵa kiristi. 

— Komıssııa jumysy aıaqtalǵannan keıin aqaýdyń sebebi men qabyldanǵan sharalar týraly qosymsha habarlanady. Qazir janarmaıdyń aǵýy toqtady. Zaýyttyń qondyrǵylary shtattyq rejımde jumys istep tur. Munaı ónimderiniń negizgi túrlerin óndirý jáne jóneltý protsesi Energetıka mınıstrligi bekitken josparǵa sáıkes júrgizilip jatyr, - dep málim etti zaýyttyń baspasóz qyzmetinen.

Eske sala ketelik, budan buryn Atyraý munaı óńdeý zaýytynyń jelisinen janarmaı aqqanyn habarlaǵan bolatynbyz.