Atyraý munaı óńdeý zaýytynyń qondyrǵysynan sary tútin býdaqtady

<p>ATYRAÝ. KAZINFORM &ndash; Jergilikti belsendi Nurlan Jonasov áleýmettik jelidegi paraqshasynda Atyraý munaı óńdeý zaýytyndaǵy qondyrǵydan tútinniń býdaqtaǵany túsirilgen vıdeony júktedi.&nbsp;</p>

Osyǵan baılanysty Atyraý munaı óńdeý zaýytynyń qoǵammen baılanys bólimini tútinniń katalıtıkalyq krekıng qondyrǵysynan shyqqany týraly aqparat taratty. 

«Keshe, 1 maýsym kúni saǵat 18:57-de katalıtıkalyq krekıng qondyrǵysynyń «Belko» blogyndaǵy murjadan sary tústi tútin gazynyń shyǵyp jatqany týraly aqparat keldi. Alaıda, sol ýaqytta katalıtıkalyq krekıng qondyrǵysynyń jumysynda aýytqýlar anyqtalǵan joq. Atyraý munaı óńdeý zaýytynyń mamandary «Belko» blogynan shyǵatyn tútin gazynyń quramyn arnaıy analızatordyń kórsetkishteri arqyly únemi baqylaýda ustaıdy. Tútin gazy quramynda kúkirt qosylystary kórsetkishiniń shamadan asý faktisi anyqtalmady. Tútin gazynyń sary tústi bolýy – kún bultty bolǵanda, kók fondyq túske baılanysty jıi oryn alatyn qubylys», - dep habarlady zaýyttyń qoǵammen baılanys bólimi. 

Qazir katalıtıkalyq krekıng qondyrǵysy toqtatylmaǵan. Barlyq gaz analızatory qaıta tekserilgen. 

«Atyraý munaı óńdeý zaýyty men ekologııalyq beketterindegi jáne «Qazgıdromet» RMK málimetine sáıkes atmosferalyq aýa quramynda kúkirt qosylystarynyń shekten asý faktisi tirkelgen joq. Zaýyt qondyrǵylary shtattyq rejımde jumys istep tur», - dep málim etti qoǵammen baılanys bóliminen.

Eske sala ketelik, buǵan deıin Atyraýda 4 aıda 7 kásiporynǵa 13,7 mlrd teńge aıyppul salynǵanyn jazǵan edik.