Atyraý munaı óńdeý zaýytynyń qondyrǵysynan býdaqtap bý kóterilip jatyr

<p>ATYRAÝ. KAZINFORM &ndash; Atyraý munaı óńdeý zaýytyndaǵy krekıng qondyrǵysynan tútinge uqsaıtyn bý kóterilip jatyr. Bý áli toqtaǵan joq.</p>

Búgin túski mezgilge jaqyn zaýyttan býdaqtaǵan býdyń foosy áleýmettik jelide tarady. Osyǵan baılanysty jergilikti turǵyndar alańdaýshylyǵyn bildirdi. 

«AMÓZ» JShS-niń baspasóz qyzmetinen málim etkendeı, fotoda tútin emes, sý býy túsirilgen. 

– Fotoda katalıtıkalyq krekıng qondyrǵysynda tútin gazdaryn lastaýshy zattardan tazartýdy qamtamasyz etetin Belco sektsııasynyń skrýbberinen shyǵyp jatqan sý býy kórsetilgen. Paıda bolǵan «bult» turǵyndardyń densaýlyǵyna jáne qorshaǵan ortaǵa keri áserin tıgizbeıdi. Qazir Atyraý munaı óńdeý zaýytynyń qondyrǵylary shtattyq rejımde jumys istep tur, -dep málim etti kásiporynnyń baspasóz qyzmetinen.

Foto: Áleýmettik jeliden

Munaı óńdeý zaýytynyń qondyrǵysynan sý býy áli shyǵyp jatyr. 

Eske sala ketelik, buǵan deıin Atyraý munaı óńdeý zaýytynan baıaý koksteý qondyrǵysy kúrdeli apatty jaǵdaıda emes ekenin málimdegen edi.