Atyraý munaı óńdeý zaýytynyń bas ınjeneri taǵaıyndaldy

<p>ATYRAÝ. KAZINFORM &mdash; Atyraý munaı óńdeý zaýytynyń bas ınjeneri mindetin atqarýǵa Erkin Súleımenov kiristi. Oǵan bas dırektordyń orynbasary laýazymyn atqarý qosa júktelgen.</p>

Bul derekti «Atyraý munaı óńdeý zaýyty» JShS-niń qoǵammen baılanys bólimi rastady. 

Erkin Súleımenovtiń munaı óńdeý salasynda aıtarlyq tájirıbesi bar. Ol buryn «Atyraý munaı óńdeý zaýyty» JShS bas dırektorynyń birinshi orynbasary bolyp jumys istegen. Keıin «QazMunaıGaz» UK» AQ-da munaı óńdeý departamentiniń dırektory bolǵan.

«Zaýyttyń bas dırektory bas ınjenerdi «QazMunaıGaz» UK basshylarynyń kelisimimen taǵaıyndaıdy. Erkin Súleımenov osy kezge deıin zaýyttyń eńbek qaýipsizdigi, qorshaǵan orta jáne azamattyq qorǵaý departamentiniń dırektory laýazymyn atqaryp keldi», -dep habarlady zaýyttyń qoǵammen baılanys bólimi.

Eske sala ketelik, budan buryn «QazMunaıGaz» komıssııasy Atyraý munaıyn óńdeý zaýytyn tekserýdi bastaǵanyn jazǵan edik. 

Keıin Atyraý munaı óńdeý zaýytynyń bas dırektory men bas ınjeneri qyzmetinen  bosatyldy.