Atyraý munaı óńdeý zaýytynyń bas dırektory men bas ınjeneri qyzmetinen bosatyldy

<p>ATYRAÝ. KAZINFORM &mdash; Atyraý munaı óńdeý zaýytynyń bas dırektory men bas ınjeneri qyzmetinen bosatyldy. &laquo;QazMunaıGaz&raquo; komıssııasynyń jumysynan keıin osyndaı sheshim qabyldandy.</p>

«QazMunaıGaz» UK AQ Atyraý munaı óńdeý zaýytyndaǵy ahýalǵa baılanysty qurylǵan komıssııa jumysynyń nátıjesin jarııa etti.

«Atyraý munaı óńdeý zaýytynyń bas dırektory Ǵalymjan Jýsanbaev pen bas dırektordyń orynbasary – bas ınjener Ádilet Shoshanbasovty qyzmetterinen bosatý týraly sheshim qabyldandy. Bas dırektordyń mindetin atqarý ári qaraı sheshim qabyldanǵanǵa deıin Atyraý munaı óńdeý zaýyty bas dırektorynyń orynbasary – tehnıkalyq dırektor Oleg Aleksandrovıch Lyzlovqa júkteletin bolady», -dep habarlady kompanııanyń baspasóz qyzmeti.

Zaýyt munaı ónimderin óndirýdi jáne jóneltýdi shtattyq rejımde jalǵastyryp jatyr.

Eske sala ketelik, buǵan deıin «QazMunaıGaz» komıssııasy Atyraý munaıyn óńdeý zaýytyn tekserýdi bastaǵanyn jazǵan bolatynbyz.