Atyraý munaı óńdeý zaýytynda josparlanǵan aldyn alý jumystary bastaldy
Kásiporynnyń qoǵammen baılanys bóliminiń aqparatyna qaraǵanda, josparlanǵan aldyn alý jumystary ónerkásiptik qaýipsizdikti qamtamasyz etý salasyndaǵy zańnama talaptaryna jáne Energetıka mınıstrligi bekitken kestege sáıkes iske asyrylady.
«Josparly jumystardy júıeli túrde júrgizý tehnologııalyq qondyrǵylardyń qaýipsiz qyzmeti men jabdyqtardyń turaqty jumysyn qamtamasyz etip, óndiris tıimdiligin arttyrý úshin qajet. Bul kezde Atyraý munaı óńdeý zaýytynda tehnologııalyq jabdyqtar men qubyrlardyń ónerkásiptik qaýipsizdigin tehnıkalyq kýálandyrý, tekserý jáne saraptamadan ótkizý sekildi is-sharalar keshenin iske asyrý josparlanyp otyr. Zaýyttyń reaktorlyq jabdyqtaryndaǵy katalızatorlar aýystyrylady. Zııandy zattardyń atmosferaǵa shyǵarylýyn boldyrmaý maqsatynda tehnologııalyq jabdyqtardy tazalaý protsesi jabyq júıede ótedi», - dep habarlady qoǵammen baılanys bólimi.
Qazir zaýyttyń rezervýar parkinde janar-jaǵar maı qorynyń kólemi jınaqtalǵan. Rezervýar aprkinde 30 myń tonna benın, 15 myń tonna dızel otyny bar. Sondaı-aq áýe otyny mólsheri 6,5 myń tonnany, suıytylǵan gaz qory 500 tonnany quraıdy.
«Munaı ónimderiniń negizgi túrleri jınaqtalǵan qor esebinen QR Energetıka mınıstrligimen kelisilgen josparǵa sáıkes jóneltiledi. Qazan aıynyń sońyna deıin josparlanǵan aldyn alý jumystary aıaqtalyp, kásiporyn turaqty jumys rejımine shyǵatyny kózdelip otyr», -dep málim etti qoǵammen baılanys bóliminen.
Eske sala ketelik, budan buryn Atyraý munaı óńdeý zaýytynda qazanda josparlanǵan aldyn alý jumysy júrgiziletinin jazǵan edik.