Atyraý munaı óńdeý zaýytynda suıytylǵan gaz qaıta shyǵaryla bastady

<p>Atyraý munaı óńdeý zaýytynyń katalıtıkalyq krekıng qondyrǵysynda josparly tekserý jumystary kesteden eki kún buryn aıaqtalyp, iske qosyldy. Bul suıytylǵan gaz munaı gazyn óndirýdi qaıta bastaýǵa múmkindik berdi, dep habarlaıdy <a href="Kazinform" target="_blank" rel="noopener">Kazinform</a>.</p>

Kásiporynnyń qoǵammen baılanys bóliminen málim etkendeı, 29 qazanda katalıtıkalyq krekıng qondyrǵysy iske qosylyp, turaqty jumys rejımine kóshirilgen.

– Zaýyt qondyrǵylaryndaǵy josparly tekserý jumystaryna mamandandyrylǵan uıymdar jumyldyryld. Zaýyttyń profıldi qyzmetteriniń jiti baqylaýynyń nátıjesinde 29 qazanda katalıtıkalyq krekıng qondyrǵysy turaqty jumys rejımine shyǵaryldy. Bul suıytylǵan munaı gazyn óndirýdi qaıta bastaýǵa, dızel otyny óndirisin ulǵaıtýǵa múmkindik berdi, -dep habarlady kásiporynnyń qoǵammen baılanys bólimin.

Kásiporynnyń ózge tehnologııalyq qondyrǵylarda josparly tekserý jumystarynyń negizgi bóligi aıaqtaldy. Jabdyqtardy kezeń-kezeńimen tehnologııalyq rejımge shyǵarý josparlanyp otyr. Zaýyt turaqty jumys rejımine qarasha aıynyń alǵashqy onkúndiginde shyǵady.
Eske sala ketelik, budan buryn Atyraý munaı óńdeý zaýytynyń jumysy 1 qazanda toqtatylatynyn habarlaǵan edik.

Atyraý munaı óńdeý zaýyty bas dırektorynyń orynbasary – bas ınjener Ádilet Shoshanbasovtyń aıtýynsha, josparly tekserý – kúrdeli jóndeý emes, aǵymdaǵy josparly is-sharalar.

– Mundaı josparlanǵan tekserý jumystary jyl saıyn júrgiziledi. Bul – kúrdeli jóndeý emes, tehnologııalyq qondyrǵylardaǵy bólshekterdiń, toraptardyń, mehanızmderdiń merziminen buryn tozýynyń aldyn alýǵa, jaramdylyq merzimin uzartýǵa baǵyttalǵan tehnologııalyq jabdyqty kútý, qadaǵalaý, paıdalaný jáne jóndeý jónindegi is-sharalar kesheni. Osyǵan baılanysty barlyq qondyrǵynyń jumysy toqtatylady. Biz aýa raıyn eskerip, tehnologııalyq qondyrǵylardy salqyn túskenge deıin iske qosýǵa nıettimiz, - dep málim eken edi Ádilet Shoshanbasov.

Keıin Atyraý munaı óńdeý zaýytynda qondyrǵylardyń birinshi kezegi qaıta iske qosylǵanyn jazǵan bolatynbyz.

Kásiporynnyń qoǵammen baılanys bóliminen málim etkendeı, 21 qazanda tekserý jumystarynyń aralyq qorytyndysy shyǵarylǵan. Soǵan sáıkes tehnologııalyq qondyrǵylardyń birinshi kezegi iske qosylǵan.

– Qazir zaýyttyń táýliktik munaı óńdeý kólemi – 9 500 tonna. Munaı ónimderi mynadaı kólemde shyǵyryla bastady. Avtobenzın – táýligine 1 200 tonna, dızel otyny – táýligine 1 500 tonna. Zaýyttyń tehnologııalyq qondyrǵylarda josparly-aldyn ala tekserý jumystarynyń negizgi bóligi aıaqtaldy. Energetıka mınıstrligi bekitken kestege sáıkes jabdyqtardy kezeń-kezeńimen tehnologııalyq rejımge shyǵarý josparlanyp otyr, - dep habarlady qoǵammen baılanys bólimi.