Atyraý munaı óńdeý zaýytynda qondyrǵylardyń birinshi kezegi qaıta iske qosyldy

<p>Atyraý munaı óńdeý zaýytynda josparly tekserýden keıin tehnologııalyq qondyrǵylardyń birinshi kezegi qaıta iske qosyldy. Qazir táýligine 9 500 tonna munaı óńdelip jatyr, dep habarlaıdy Kazinform.</p>

Kásiporynnyń qoǵammen baılanys bóliminen málim etkendeı, 21 qazanda tekserý jumystarynyń aralyq qorytyndysy shyǵarylǵan. Soǵan sáıkes tehnologııalyq qondyrǵylardyń birinshi kezegi iske qosylǵan.

"Qazir zaýyttyń táýliktik munaı óńdeý kólemi – 9 500 tonna. Munaı ónimderi mynadaı kólemde shyǵyryla bastady. Avtobenzın – táýligine 1 200 tonna, dızel otyny – táýligine 1 500 tonna. Zaýyttyń tehnologııalyq qondyrǵylarda josparly-aldyn ala tekserý jumystarynyń negizgi bóligi aıaqtaldy. Energetıka mınıstrligi bekitken kestege sáıkes jabdyqtardy kezeń-kezeńimen tehnologııalyq rejımge shyǵarý josparlanyp otyr", - dep habarlady qoǵammen baılanys bólimi.

Josparly-aldyn tekserý bastalǵannan búgingi kúnge deıin birneshe baǵytta jumys atqarylǵan. Bul – jabdyqtardy tazalaý, peshter men reaktorlardy qaptaý, tozǵan jabdyqtar men katalızatorlardy aýystyrý, kolonnalyq jabdyqtardyń ishki qurylǵylaryn modıfıkatsııalaý. Qazir qysymmen jumys isteıtin tútikshelerdi tekserý jalǵasyp jatyr.

– Zaýytta ekologııalyq zańnamanyń talaptaryna sáıkes qorshaǵan ortaǵa shyǵarylatyn emıssııalardy anyqtaıtyn avtomattandyrylǵan júıesin ornatý jobasy júzege asyrylýda. Josparly tekserý kezinde tehnologııalyq peshterdiń murjalaryna avtomattandyrylǵan baqylaý júıesin montajdaýǵa qajetti barlyq jumys oryndaldy, -dep málim etti qoǵammen baılanys bóliminen.

Eske sala ketelik, budan buryn Atyraý munaı óńdeý zaýytynyń jumysy 1 qazanda toqtatylatynyn jazǵan edik.
Keıin Atyraý munaı óńdeý zaýytyndaǵy tekserý qarashaǵa deıin jalǵasatynyn habarlaǵan bolatynbyz.