Atyraý munaı óńdeý zaýytynda qondyrǵylar turaqty jumys rejımine shyǵaryldy

<p>ATYRAÝ. KAZINFORM &ndash; Búgin Atyraý munaı óńdeý zaýytynda tehnologııalyq qondyrǵylar turaqty óndiris rejımine shyǵaryldy.</p>

Kásiporynnyń qoǵammen baılanys bóliminiń aqparatyna qaraǵanda, búgin túsqaıta munaı óńdeý zaýytyndaǵy tehnologııalyq qondyrǵylar turaqty rejımde jumys isteı bastaǵan. Qazir zaýyttyń qondyrǵylary shtattyq rejımde jumys istep tur.

Budan eki kún buryn, 21 qyrkúıekte syrtqy elektrmen jabdyqtaý júıesindegi irkilis bolǵan edi. Soǵan baılanysty Atyraý munaı óńdeý zaýytynda jekelegen tehnologııalyq qondyrǵylardyń jumysy toqtatylǵan bolatyn.

«Oqıǵa kezinde zaýyttyń qalǵan tehnologııalyq qondyrǵylarynyń jumysy, kásiporynnyń qubyr júıesindegi qysymnyń qajetti deńgeıi jekemenshik jylý elektr ortalyǵymen qamtamasyz etildi. Áleýmettik mańyzy bar munaı ónimderi tutynýshylarǵa jınaqtalǵan qor esebinen jóneltildi», - dep habarlaǵan edi qoǵammen baılanys bóliminen.

Eske sala ketelik, budan buryn Atyraý munaı óńdeý zaýytynda keıbir tehnologııalyq qondyrǵylar toqtatylǵanyn habarlaǵan edik.

Sondaı-aq, Atyraý munaı óńdeý zaýytynda qazanda josparlanǵan aldyn alý jumysy júrgiziletinin jazǵan bolatynbyz.

Al, qyrkúıektiń alǵashqy aptasynda Atyraý munaı óńdeý óńdeý zaýytynda kómirsýtek gazy aýaǵa jiberildi.