Atyraý munaı óńdeý zaýytyna 6 mln teńgege jýyq aıyppul salyndy
Tehnıkalyq retteý jáne metrologııa komıtetiniń Atyraý oblysy boıynsha departamentiniń málimetinshe, Atyraý munaı óńdeý zaýytynyń atmosferalyq aýanyń sapasyn baqylaý stantsııalarynda quqyq buzýshylyq anyqtalǵan. Tekserý Atyraý oblystyq Ekologııa departamentiniń ótinishi negizinde júrgizilgen.
«Tekserilmegen ólsheý quraldaryn paıdalanǵany úshin «AMÓZ» JShS-ǵa QR Ákimshilik quqyq buzýshylyq týraly kodeksiniń 419-babynyń 1-bóligimen 1600 aılyq eseptik kórsetkish mólsherinde aıyppul salyndy. Atmosferalyq aýadaǵy munaı ónimderiniń zııandy gazdarynyń naqty mólsherin anyqtaýǵa jáne asyp ketken jaǵdaıda adam ómiri men densaýlyǵyna, qorshaǵan ortaǵa zııan keltirý qaýpin boldyrmaýǵa múmkindik beretin statsıonarlyq gaz analızatorlarynyń úzdiksiz jumysy atalǵan kásiporyn paıdalanatyn ólsheý quraldarynyń jaramdylyǵyna baılanysty kórsetilgen quqyq buzýshylyqtarǵa jol berilmeıdi», - dep habarlady jergilikti departamentten.
Eske sala ketelik, budan buryn Atyraý munaı óńdeý zaýytynyń qondyrǵysynan sary tútin býdaqtaǵanyn habarlaǵan bolatynbyz.