Atyraý: meıramhana aldyndaǵy toptyq tóbelesten eki bozbala jaraqat alǵan

<p>Atyraý qalasynda bir top jastyń arasynda janjal týyndap, sońy toptyq tóbeleske ulasqan. Tóbelesten 18 jasar eki bozbalanyń jaraqat alǵany anyqtaldy, dep habarlaıdy Kazinform.</p>

Atyraý oblystyq polıtsııa departamentiniń baspasóz qyzmetiniń málimetinshe, toptyq tóbeles keshe 26 jeltoqsanda túnde bolǵan. Tóbeles týraly vıdeosy áleýmettik jeli men Whatsapp messendjerinde vıdeo taraǵan edi.

«Áleýmettik jelide Atyraý qalasynyń aýmaǵynda ornalasqan meıramhanalardyń biriniń aldynda toptyq tóbelestiń beınejazbasy taraldy. Beınejazbadaǵy quqyq buzýshylyqqa jol bergen barlyq tulǵa anyqtaldy. Olar Atyraý qalalyq polıtsııa basqarmasyna jetizildi. Toptyq tóbelestiń saldarynan 2005 jylǵy eki adam jeńil jaraqat aldy. Al, beınejazbada aıtylǵan «pyshaqpen dene jaraqatyn saldy» degen aqparat shyndyqqa janaspaıdy», -dep habarlady departamenttiń baspasóz qyzmeti.

Qazir tóbeleske aralasqan jastarǵa qatysty QR Qylmystyq kodekstiń 293-babynyń 3-bóligimen tergeý jumystary júrgizýdi bastady

«Meıramhanada stýdentter men jastarǵa is-shara uıymdastyrylǵan. Іs-sharany uıymdastyrýshylarǵa tıisti jaýapkershilik qarastyrylyp jatyr», -dep málim etti departamenttiń baspasóz qyzmeti.

Eske sala ketelik, budan buryn Atyraýda tún ortasynda toptyq tóbeleske qatysqan 3 adam ustalǵanyn habarlaǵan bolatynbyz.