ATYRAÝ. KAZINFORM – Atyraý qalasynyń mańyndaǵy kanalda balyq otteginiń jetispeýshiliginen qyrylýy múmkin. Kanaldan 28,5 keli ólgen balyq jınaldy. Jaıyq-Kaspıı oblysaralyq basseındik balyq sharýashylyǵy ınspektsııasy bóliminiń bas mamany Almas Jumashevtyń málimetine qaraǵanda, búgin «Teplyı» kanalyndaǵy sýdyń temperatýrasy +39,5 gradýs, otteginiń mólsheri 6 ml/dm3 bolǵan.
«Atalǵan kanaldaǵy sýǵa zertteý júrgizildi. Kóktemgi sý tasqyny saldarynan Jaıyq ózeninen asqan sý Sokolok kanalyna quıylǵan. Tasqyn sýmen birge Sokolok arqyly balyqtar «Teplyı» kanalyna ótkeni anyqtaldy. Bul kanaldaǵy balyqtyń qyrylýynyń boljamdy sebebi – sý temperatýrasynyń joǵarylaýyna baılanysty otteginiń azaıýy. Ólgen balyqtyń jalpy salmaǵy – 28,5 keli. Atyraý oblysy boıynsha Ekologııa departamentiniń mamandary zerthanalyq zertteýler úshin kanaldaǵy sýdan synamalar aldy», - deıdi Almas Jumashev.
Foto: Jaıyq-Kaspıı oblysaralyq basseındik balyq sharýashylyǵy ınspektsııasyOnyń aıtýynsha, jergilikti atqarýshy organdarmen birge sanıtarlyq normalardy tolyq saqtaı otyryp, ólgen balyqty jınaý jumysy júrgizilgen.
Foto: Jaıyq-Kaspıı oblysaralyq basseındik balyq sharýashylyǵy ınspektsııasyEske sala ketelik, budan buryn Atyraýdyń mańyndaǵy kanalda balyq ólip jatqanyn habarlaǵan edik.
Joldasbek Shópeǵul
1993 jyly ál-Farabı atyndaǵy QazMUÝ-diń jýrnalıstıka fakýltetin bitirgen. Eńbek jolyn 1993 jyly respýblıkalyq «Egemen Qazaqstan» gazetinde tilshi bolyp bastaǵan. 2020 jylǵy aqpannan beri «Kazinform» halyqaralyq aqparat agenttiginde Atyraý oblysyndaǵy tilshisi bolyp jumys isteıdi.