Atyraý mańyndaǵy birneshe eldi meken jaryqsyz qaldy

<p>Búgin Atyraý qalasynyń mańyndaǵy 5 eldi mekende jaryq óship qaldy. Qazir elektr jelisindegi aqaýdy qalpyna keltirýge ekpindi jel kedergi keltirip tur, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Atyraý oblysynyń energetıka kesheni baspasóz qyzmetiniń málimetinshe, elektr jelisindegi aqaýǵa daýyldy jel sebep bolǵan.

«Búgin, 20 qarashada kún raıynyń kúrt ózgerip, jeldiń kúsheıýi saldarynan «KSM», «Hımık», «Rybnık», «Jeleznodorojnık», «Kókarna» eldi mekenderinde elektr qýaty sóndi. Qazir jeldiń ekpini 6 kV-tyq aspaly elektr jelisindegi úzilgen symdy qalypqa keltirýge kedergi keltirip tur. Jeldiń jyldamdyǵy baıaýlaǵan kezde gıdravlıkalyq kótergishpen (AGP) aqaýdy qalypqa keltirý jumysy atqarylatyn bolady», – dep málim etti keshenniń baspasóz qyzmetinen.

Keshe, oblystyq Tótenshe jaǵdaılar departamenti jel ekpini kúsheıetini týraly aqparat taratyp, eskertý bergen edi.

««Qazgıdromet» RMK boljamyna sáıkes, 21 qarashada Atyraý oblysynda ońtústik-shyǵystan soltústik-batysqa aýysyp jel soǵady. Túnde oblystyń basym bóliginde jeldiń kúshi sekýndyna 18-23 metr, kúndiz batys bóliginde sekýndyna 15-20 metrge deıin jetedi», – dep habarlaǵan edi departamenttiń qoǵammen baılanys tobynan.

Eske salaıyq, búgin quıyndy jelden Atyraýda birneshe turǵyn úı men ǵımarattyń shatyry ushty. Kóshede aǵashtar men úılerdiń kireberisindegi qúnqaǵarlar qulady.