Atyraý mańynda tereńdigi 10 metr shuńqyr paıda boldy

<p>ATYRAÝ. KAZINFORM — Atyraý qalasynan 18 shaqyrym qashyqta tereńdigi 10 metr shuńqyr tabyldy.</p>

Mahambet aýdanyndaǵy Beıbarys aýyldyq okrýginiń ákimi Seıilbek Zulhashevtyń aıtýynsha, tereń shuńqyr Qyzyljar zıraty mańynan anyqtalǵan. 

«Shuńqyrdyń dıametri — 20 metr. Tereńdigi — 10 metr. Qazir shuńqyrdyń aınalasyna belgi ornatylyp, qaýipsizdik is-sharasy júrgizildi. Shuńqyr anyqtalǵan aýmaq Atyraý qalasynan 18 shaqyrym qashyqtyqta ornalasqan. Bul aýmaqta „Pervomaıskıı“ JShS-niń sharýashylyǵy bar. Biraq qazir shuńqyrǵa jaqyn mańda tórt túlik mal joq», -dedi Seıilbek Zulhashev. 

Ázirge tereń oıyqtyń neden bolǵany týraly derek aıtylmady. 

Eske sala ketelik, budan buryn Atyraý-Inder trassasy sý ótkizetin qubyr salý úshin ýaqytsha jabylatynyn habarlaǵan bolatynbyz.