«Atyraý» klýby paravoleıboldan Azııa chempıonatynda jeńimpaz atandy

<p>ASTANA. KAZINFORM &ndash; Qytaıdyń Hanchjoý qalasynda voleıboldy otyryp oınaýdan Azııa jáne Tynyq muhıt aımaǵy boıynsha klýbtar arasynda chempıonat máresine jetti.&nbsp;</p>

Voleıboldy otyryp oınaýdan Qazaqstan ulttyq quramasynyń jáne «Atyraý» klýbynyń bas bapkeri Baýyrjan Tahaýovtyń Kazinform tilshisine málim etkenindeı, osyndaı deńgeıde alǵash ret uıymdastyrylǵan jarysqa elimizden atyraýlyqtarmen qatar «Qyzylorda», sondaı-aq Qytaı, Saýd Arabııasy jáne Aýstralııa komandalary qatysty.

Foto: Baýyrjan Tahaýovtan

«Atyraý» komandasy óz tobynda Saýd Arabııasy men Qytaıdyń eki klýbyn 3:0 esebimen jeńip, jartylaı fınalǵa birinshi orynmen shyqty. Jartylaı fınalda «Qyzylordadan» dál sondaı eseppen basym tústi – 3:0 (25-14, 25-11, 25-22). 

30 qazan kúni fınalda qytaılyq Zhe Jiang klýbymen ótken oıyn óte tartysty boldy. Atyraýlyqtar 3:2 (25:13, 25:13, 24:26, 25:27, 15:10) esebimen jeńisti julyp alyp, chempıondyq tuǵyrǵa kóterildi. 

Foto: Baýyrjan Tahaýovtan

Qyzylordalyqtar úzdik úshtikti túıindedi. 

«Ulttyq quramanyń negizin Atyraý oblysynyń oıynshylary quraıdy. Bıyl Atyraýdan 8 sportshy Qazaqstan sapynda Parıj Paralımpıadasyna qatysyp, 5-orynǵa ıe boldy. Álemde 78 komanda bolsa, solardyń arasynan aldyńǵy lekke iligý – úlken jetistik. Endi tórt jyldan keıin Los-Andjeleste ótetin Paralımpıada oıyndaryna daıyndalamyz. Álemdik reıtıngide qazirgi kezde Qazaqstan quramasy 5-orynda tur», - dedi B.Tahaýov. 

Foto: Baýyrjan Tahaýovtan

Eske sala keteıik, budan buryn Paralımpıadada Qazaqstan voleıbolshylarynyń jartylaı fınaldan tys qalǵanyn jazǵan bolatynbyz.