Atyraý kardıologteri alǵash ret naýqastyń júrek qalpaqshasyna protez saldy

<p>ATYRAÝ. KAZINFORM &mdash; Bıyl Atyraý oblystyq kardıologııa ortalyǵynda 260 ota jasalǵan. Sonyń biri &mdash; naýqastyń júrek qalpaqshasyna salynǵan protez.</p>

Ortalyqtyń kardıohırýrgi Asylbek Qonysovtyń aıtýyna qaraǵanda, alǵash ret júrekke kúrdeli ota jasaý úshin arnaıy generator qoldanylǵan. 

— Naýqastyń jaǵdaıy otaǵa deıin aýyr bolǵan edi. Onyń júrek qalpaqshalary tartylyp, yrǵaǵy buzylǵan. Sondyqtan ony otaǵa daıyndadyq. Kúrdeli ota 8 saǵatqa sozyldy. Óıtkeni júrektiń eki qaqpashasyn aýystyrý qajettigi týyndady. Áriptesterim — Maqsat Janturǵanov, anestezıolog Jangeldi Qadyrov pen perfýzıolog Inabat Súıesinov jáne Temirbolat Lesulymen birge júrektiń eki jaq qulaqshynyn, qaqpashalaryna protez ornatyldy. Bul ota kezinde arnaıy generatordy paıdalandyq, — deıdi Asylbek Qonysov.

Onyń aıtýynsha, ortalyqta buryn dál mundaı ota jasalmaǵan. Byltyr ortalyq dárigerleri 110 ota jasaǵan. Al bıyl ota sany 2,3 eseden asqan.

Eske sala keteıik, buǵan deıin Atyraýda alǵash ret naýqastyń ót jolyn keńeıtý otasy jasalǵanyn habarlaǵan bolatynbyz. 

Sondaı-aq, Atyraýda 14 jasar qyzǵa bet-jaq transplantatsııasy jasaldy.