Atyraý-Inder trassasyna sý ótkizetin 6 qubyr salý áli aıaqtalǵan joq

<p>ATYRAÝ. KAZINFORM — Atyraý-Inder baǵytyndaǵy trassaǵa sý ótkizetin 6 qubyr salý áli aıaqtalǵan joq.</p>

Atyraý oblysy jolaýshylar kóligi jáne avtomobıl joldary basqarmasynyń basshysy Álibek Muhambetálıevtiń aıtýynsha, tasqyn sýdyń kóp kelýine baılanysty jolǵa sý ótkizetin taǵy 6 qubyr salynyp jatyr. 

«Bul jumys 24-30 saǵatqa josparlandy. Qazir jolǵa qubyr salý isin 25 adam atqaryp jatyr. Oǵan 40 tehnıka tartyldy. Óńir úshin atalǵan joldyń strategııalyq mańyzy zor. Sol sebepten bul jumysty, búgin, 23 mamyr túngi saǵat 00:00-ge deıin aıaqtaý josparlanyp otyr», -dedi Álibek Muhambetálıev.

Onyń aıtýynsha, buǵan deıin «Atyraý-Inder» trassasynyń 24-shaqyrymyna sý ótkizýge arnalǵan 6 qubyr salynǵan.

Eske sala ketelik, budan buryn Atyraý-Inder trassasy sý ótkizetin 6 qubyr salý úshin taǵy ýaqytsha jabylatynyn habarlaǵan bolatynbyz.