Atyraý-Inder trassasy sý ótkizetin 6 qubyr salý úshin taǵy ýaqytsha jabylady

<p>ATYRAÝ. KAZINFORM &ndash; Atyraý-Inder trassasy sý ótkizetin 6 qubyr salý úshin taǵy ýaqytsha jabylady.</p>

Bul týraly Atyraý oblysynyń jedel shtaby aqparat taratty. 

«Buǵan deıin Atyraý-Inder trassasyna sý ótkizetin 6 qubyr salynǵan bolatyn. Alaıda, ór sýynyń kóterilý deńgeıiniń basylmaýyna baılanysty atalǵan trassa boıyna taǵy da osyndaı 6 qubyr salý qajettigi týyndady. Sol sebepten, búgin, 22 mamyrda keshki saǵat 21:00-de «Atyraý-Inder» trassasy ýaqytsha jabylady. Qubyr ornatý jumysy shamamen 24-30 saǵatqa sozylady», -dep habarlady oblystyq jedel shtabtan. 

Trassadaǵy qubyr salý jumysyna 30 adam men 50 tehnıka tartylady.

Eske sala ketelik, budan buryn Atyraý-Inder trassasy sý ótkizetin qubyr salý úshin ýaqytsha jabylatynyn habarlaǵan bolatynbyz.