«Atyraý» fýtbol klýbynyń quramy jańa oıynshylarmen tolyqty

<p>ATYRAÝ. KAZINFORM &mdash; &laquo;Atyraý&raquo; fýtbol klýbyna&nbsp; jańa oıynshylar keldi. Onyń biri &mdash; belarýstyq shabýylshy Nıkolaı Sıgnevıch. Qazaqstandyq jartylaı qorǵaýshy Aslan Ádil de endi óńir quramasynda oınaıdy.&nbsp;</p>

Jergilikti fýtbol klýbynyń baspasóz qyzmetinen málim etkendeı, 31 jastaǵy Nıkolaı Sıgnevıch Atyraý» komandasymen 2024 jyldyń sońyna deıin kelisimshartqa qol qoıǵan.

Ol fýtboldaǵy eńbek jolyn «Smolevıchı» (Belarýs) komandasynda bastap, keıin «Dınamo» (Brest) jáne BATE klýbtarynda oınaǵan. Reseıdiń «Hımkı», Ferentsvarosh» (Vengrııa) jáne «Platanıas» (Gretsııa) komandalarynda dop tepken. Al ótken jyldyń qyrkúıeginen beri «Apollon Smırnıs» «Grekııa) klýbynyń quramynda tájirıbe jınaǵan. Bul klýbta 22 oıyn ótkizip, 1 gol soqqan.

«Nıkolaı Sıngevıchtiń enshisinde 327 matchta soqqan 76 gol bar. Áriptesterine 34 nátıjeli pas bergen», - dep habarlady fýtbol klýbynyń baspasóz qyzmeti.

Sondaı-aq «Atyraý» fýtbol klýbynyń quramyna qazaqstandyq jartylaı qorǵaýshy Aslan Ádil qosyldy. Oń jaqtaǵy jartylaı qorǵaýshy pozıtsııasynda oınaıtyn ol «Jetisý» quramynda 22 match ótkizgen.

«Atyraý» quramynda tájikstandyq qorǵaýshy Fahrıddın Ahtamov ta oınaıdy. Fýtbolshymen jyl sońyna deıin kelisimshart jasalǵan. Ol buryn Dýshanbeniń «Lokomotıv» jáne «Dınamo» klýbtarynda dop tepken.

Eske sala ketelik, buǵan deıin atyraýlyq fýtbol komandasynyń qaqpashysy Danııa klýbyna aýysqanyn jazǵan bolatynbyz.