Atyraý-Astrahan, Almaty-Qaraǵandy tasjoly keler jyly paıdalanýǵa beriledi

<p>Aldaǵy jyly birneshe respýblıkalyq tasjol paıdalanýǵa beriledi, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

«Astana-Almaty» arasyndaǵy tasjolǵa kelsek, ýchaske tek Qaraǵandydan Almatyǵa deıin. Iá, jol uzaqqa sozylyp ketti, keshirim suraımyn. Másele merdigerlik uıymdarǵa qatysty bolyp otyr. Biz joldy salý úshin halyqaralyq qarjy ınstıtýtynyń qarajatyn paıdalandyq», - dedi Kólik mınıstri Marat Qarabaev vedomstvoda ótken baspasóz máslıhatynda.

Mınıstrdiń aıtýynsha, Qaraǵandy-Almaty tasjolynyń keıbir ýchaskeleri jyl sońynda paıdalanýǵa beriledi.

«Bıyl birneshe ýchaskeni qospaǵanda Qaraǵandydan Almatyǵa deıingi jol qozǵalysyn qamtamasyz etemiz. Tasjoldyń uzyndyǵy 946 shaqyrym bolsa, onyń 795 shaqyrymy daıyn. Bul aınalma jol ýchaskelerin qospaǵanda. Jalpy Atyraý-Astrahan, Almaty-Qaraǵandy tasjoly tolyqtaı keler jyly iske qosylady», - deıdi vedomstvo basshysy.

Buǵan deıin elimizde aqyly joldar baǵasy 20 paıyzǵa artatyny týraly jáne ekinshi sanattaǵy tasjoldardyń júk kólikteri úshin aqyly bolatynyn habarlaǵan edik.