Atyraý-Aqparat medıaholdınginiń basshysy «Habar 24» arnasyna dırektor boldy

<p>&laquo;Habar 24&raquo; telearnasynyń dırektory laýazymyna Jasyn Birkenov taǵaıyndaldy. Ol osy kezge deıin &laquo;Atyraý-Aqparat&raquo; JShS basshysy laýazymyn atqaryp keldi, dep habarlaıdy Kazinform agenttigi.&nbsp;</p>

Onyń jańa qyzmetke taǵaıyndalǵanyn «Habar» agenttigi» AQ basqarma tóraǵasy Kemelbek Oıshybaev áleýmettik jelidegi paraqshasynda habarlady.

– Jasyn – «Habar» agenttiginde shyńdalyp, jetilgen jýrnalıst. Jańalyqtarda tilshilikten bastap shef-redaktor qyzmetine deıin ósken bilikti maman. Endi elimizdiń basty aqparat arnasyn basqaryp, ujymmen birge jańalyqtardyń sapasyn, jalpy arnany joǵary belesterge kóteretinine senimdimin, - dedi Kemelbek Oıshybaev.

Jasyn Ersinuly 1989 jyly Soltústik Qazaqstan oblysynda týǵan.

Eńbek jolyn 2006 jyly bastaǵan.

Ár jyldary MTRK (Petropavl), «Qazaqstan-Petropavl», sondaı-aq, «Qazaqstan» jáne «7 kanal» telearnalarynda jumys istegen.

2015 jyly «24.kz» telearnasyna jumysqa kelgen.

2015-2016 jyldary «Habar 24» telearnasynyń Ýkraına Respýblıkasyndaǵy, 2019-2021 jyldary Ózbekstan Respýblıkasyndaǵy menshikti tilshisi qyzmetin atqarǵan.

2022 jylǵy mamyrdan beri «Atyraý-Aqparat» JShS-niń dırektory laýazymyn atqaryp kelgen.

Eske sala ketelik, budan buryn Talǵat Óteǵulovtyń «Atyraý» telearnasynyń dırektory bolyp taǵaıyndalǵanyn habarlaǵan bolatynbyz.