Aty ańyzǵa aınalǵan boksshy Roı Djons bokstan Qazaqstan chempıonatynyń ashylýynda án saldy

<p>ASTANA. KAZINFORM &ndash; Qaraǵandyda Serik Sápıev atyndaǵy boks ortalyǵynda sońǵy 17 jylda alǵash ret Qazaqstan chempıonaty ótip jatyr, dep habarlaıdy Kazinform &laquo;Jibek Joly&raquo; telearnasyna silteme jasap.</p>

Jarystyń bastalýyna tanymal boksshylar Roı Djons, Vasılıı Jırov, Ermahan Ybyraıymov jáne Serik Qonaqbaev qatysty. Amerıkalyq boks juldyzy sportshylarymyzdyń rýhyn qoldaý úshin búgin tipti án shyrqady.

Chempıonatqa elimizdiń barlyq óńirinen sportshylar qatysady. Erler 13 salmaq dárejesinde, al áıelder 12 salmaq dárejesinde synǵa túsedi.

Jekpe-jekter eki rıngte ótedi, olar bir mınýttyq úzilispen 3 mınýtqa sozylatyn úsh raýndtan turady. Bul chempıonatta IBA 10 upaılyq baǵalaý júıesi qoldanylady. Búgin respýblıkalyq chempıonattyń alǵashqy jekpe-jekteri ótti. Fınal 24 jeltoqsanda ótedi.

- Mundaı týrnırler boksshylarymyzǵa kelesi deńgeıge kóterilip, Olımpıada oıyndaryna shyǵýǵa múmkindik beredi. Bul týrnırde ózim judyryqtasqandyqtan, jarystyń kúshti ekenin, munda bári jaqsy judyryqtasatynyn jáne onda jeńýge daıyn bolýyń kerek ekenin bilemin. Jeńiske laıyqty bolǵandar jeńedi dep senemin jáne barlyǵyna sáttilik tileımin», - dedi bokstan qazaqtan shyqqan tuńǵysh Olımpıada chempıony Vasılıı Jırov.

2027 jyly Qazaqstanda bokstan álem chempıonaty ótetinin habarladyq.