Atbasarda tasqyn qaýpi bar eldi mekenderdiń turǵyndary úshin salynǵan 2 úı bitýge taıaý

KÓKShETAÝ. QazAqparat - Aqmola oblysynyń Atbasar qalasynda sý tasqyny qaýpi bar aımaqtardan turǵyndardy kóshirý úshin 100 páterli eki turǵyn úıdiń qurylysy aıaqtalýda, taǵy úsh turǵyn úı salý josparlanǵan. Bul týraly brıfıngte Aqmola oblysy TJD basshysynyń orynbasary Qanat Dospaev málim etti, dep habarlaıdy QazAqparat tilshisi.

Departament basshysynyń orynbasarynyń aıtýynsha, Atbasar aýdanynyń Atbasar qalasynda sý qorǵaý aımaqtarynan turǵyndardy kóshirý boıynsha Jol kartasyn iske asyrý maqsatynda eki 100 páterli úıdiń qurylysy aıaqtalýda, oǵan QR Úkimetiniń rezervinen 4,2 mlrd teńge kóleminde qarjy bólindi.

«Atbasar qalasynda sý tasqyny qaýpi bar aımaqtardan turǵyndardy kóshirý úshin taǵy úsh turǵyn úı salý qajet. Qazaqstan Respýblıkasy Prezıdentiniń tapsyrmasyn oryndaý jáne sý tasqyny qaýpi bar aımaqtan qalǵan halyqty kóshirý máselesin sheshý sheńberinde Atbasar qalasynda 100 páterli úsh turǵyn úıdiń qurylysyna JSQ ázirlendi. Qazirgi ýaqytta QR Úkimetiniń rezervinen olardyń qurylysyna qarjy bólý máselesi pysyqtalýda», - dedi Qanat Dospaev.

Aıta ketsek, 3-4 naýryz aralyǵynda óńirde «Kóktem-2022» RKShO ótkizý josparlanýda. Oqý-jattyǵý barysynda azamattyq qorǵaýdyń aýmaqtyq kishi júıesiniń kóktemgi kezeńniń yqtımal tótenshe jaǵdaılaryna ázirligine tekserý júrgiziletin bolady. Arshaly aýdany oblystyq shtabty ornalastyrý orny bolyp belgilendi.

«Sý tasqynyna daıyndyq boıynsha josparly jumystar jalǵasýda. Tasqyn sýlardy apatsyz ótkizý boıynsha barlyq qajetti sharalar qabyldanýda», - dep túıindedi Qanat Dospaev.

Aıta ketsek, Aqmola oblysynda 125 eldi meken qaýipti aýmaqta ornalasqan.