Atbasarda sý tasqyny qaýpi bar aımaq turǵyndary qashan jańa úılerine qonystanady

<p>Atbasarda sý tasqyny qaýpi bar aımaqta turatyndar jańa úıdi kútip júrgenine biraz ýaqyt bolyp qaldy. Qalalyq ákimdik jańa turǵyn úılerdiń qashan paıdalanýǵa beriletinin aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Atbasar qalasy ákimdiginiń málimetinshe, 2017 jyly sý tasqynynan úıleri zardap shekkenderdiń barlyǵy jańa páterlerge qonystanǵan. Qazirgi kezde sý tasqyny qaýpi bar aımaqta turatyndardy kóshirý úshin jańa eki turǵyn úı salynyp jatyr.

2021 jyly sý basýdyń qaıtalanǵan jaǵdaılarynyń týyndaýyn boldyrmaý maqsatynda Qazaqstan Respýblıkasy Úkimetiniń №391 qaýlysymen Atbasar aýdanynyń turǵyndaryn sý basýy múmkin aımaqtan kóshirý úshin 100 páterli eki turǵyn úıdiń qurylysyna Úkimettiń rezervinen qarajat bólý týraly sheshim qabyldandy.

«2021 jyldyń maýsymynda jergilikti atqarýshy organ men merdiger «PrestıjStroı-7» JShS arasynda kóppáterli turǵyn úıler salý týraly shart jasaldy. Qurylys jumystary barysynda qurylys materıaldarynyń 20-25 paıyzǵa qymbattaýyna baılanysty 2022 jyldyń 26 sáýirinde «Prestıj Stroı 7» JShS basshylyǵy qurylys aıaqtalǵan kezde shyǵynǵa ushyraıtynyn aıtyp, ıaǵnı boljamdy shyǵyndy kórsete otyryp, nysandary boıynsha túzetý engizý týraly jergilikti atqarýshy organdarǵa júgindi. Jergilikti atqarýshy organ jobalardy túzetýden bas tartty. Qalyptasqan jaǵdaıǵa baılanysty merdiger uıym turǵyn úılerdiń qurylysyn baıaý júrgizýde. Alaıda biz nysandardy ýaqytyly paıdalanýǵa berý úshin barlyq qajetti sharany qabyldap jatyrmyz, - dep túsindirdi ákimdikten.

Ákimdikten atap ótkendeı, turǵyn úılerdiń birin bıylǵy jyldyń jeltoqsan aıynda, al ekinshisin 2024 jyldyń birinshi toqsanynda paıdalanýǵa berý josparlanyp otyr.

Jalpy, 2018 jyldan beri Atbasarda Jabaı ózeniniń sý deńgeıi qaýpti shebine jetken joq.

Aıta ketsek, budan buryn Buqtyrma sý qoımasy arqyly ótetin kópir kelesi jyly iske qosylatynyn jazǵan edik.