Atbasar aýdanynda 22 jańa arheologııalyq eskertkish tabyldy
Eskertkishterdiń birazy mal jaılymy jáne sýdyń astynda qalǵan. Keler jyly bulardy qorǵaý jumystaryn júrgizý josparlanǵan, dep habarlaıdy QazAqparat tilshisi.
Aqmola oblystyq mádenıet, arhıvter men qujattamalar basqarmasynyń janyndaǵy Tarıhı-mádenı murany qorǵaý jáne paıdalaný ortalyǵynyń mamany Raýan Erjanovtyń aıtýynsha, bıylǵy jylǵy tamyz aıynyń 03-17 aralyǵynda, jańa arheologııalyq obektilerdi anyqtaý maqsatynda Atbasar aýdanynyń soltústik, soltústik-shyǵys jáne ońtústik bólikterine barlaý jumystary júrgizildi.
Arheologııalyq barlaý jumystarynyń nátıjesinde berilgen aımaqtyń qola, temir jáne jańa zaman dáýirindegi qonystaný dárejesin sıpattaıtyn 22 jańa tarıhı-mádenı mura obektileri anyqtaldy.
Atbasar aýdanynyń qolaıly tabıǵı landshafty bul aımaqqa ejelgi adamdardyń tas ǵasyrynan - aq qonystanýyna sebep bolǵan. Aýdannyń aýmaǵyn Kókshetaý bıiktiginiń ońtústik bóligi, Atbasar jazyǵy, Teńiz jazyǵynyń soltústik bóligi alyp jatyr. Bul jerde 12 tuşy sý kólderi bar, sondaı-aq Esil, Jabaı, Jylandy, Terisaqqan, Qaıraqty jáne Shortanbaı ózenderi aǵyp ótedi.
«Arheologııa obektileriniń kóbi aýdannyń ońtústik-batys bóliginde, Shoıynqarasý jáne Shortanbaı ózenderiniń jaǵalaýynan alys emes bıiktikterden anyqtaldy. Ońtústik-shyǵys terrıtorııasynyń kóp bóligi tyń ıgerý kezinde jyrtylyp, egin egilgen, sonyń nátıjesinde arheologııalyq eskertkishterdiń keıbireýi joıylǵan. Buǵan egis alqabynyń boıynda, shetke shyǵarylyp tastalǵan ortasha kólemdegi tastar aıǵaq. Bul tastar mańdaǵy qorǵan konstrýktsııasynda paıdalanǵan tastarǵa uqsas keledi», - deıdi Raýan Erjanov.
Ortalyq mamany atap ótkendeı, arheologııalyq zertteý júrgizýdegi basty maqsat, anyqtalǵan eskertkishterdiń tolyq qujatyn daıyndaý. Ǵylymı izdenister arheologııa ádisine sáıkes júrgizildi. ıAǵnı, izdeý, topografııalyq zertteý, aspapqa túsirý, jergiliktiń geodezııalyq koordınattardy anyqtaý, kartografııa, fotoǵa túsirý, grafıkalyq josparyn jáne shemasyn daıyndaý, eskertkishterdiń tolyq sıpattamasyn jasap aldyn-ala esepke engizý boıynsha.
«Barlaý jumystarynyń qorytyndysy, jańa ashylǵan eskertkishter jaıynda tolyq málimet daıyndaldy, jańa arheologııa obektileriniń tólqujattaryn jasaýǵa joldanady», - tolyqtyrdy vedomstvodan.