Atbasar aýdanynda taǵy 50-den astam adam evakýatsııalandy

<p>KÓKShETAÝ. KAZINFORM - Atbasar aýdanyndaǵy aýyldardan turǵyndardy evakýatsııalaý jumystary jalǵasyp jatyr. Sońǵy táýlikte Samarka aýylynan 50-den astam adam evakýatsııalandy.</p>

Aqmola oblysy TJD baspasóz qyzmetiniń málimetinshe, Esil ózenindegi sýdyń deńgeıi kúrt kóterilýine baılanysty shuǵyl túrde Samarka aýylynan 53 eresek adam, onyń ishinde 25 bala, sondaı-aq úı janýarlary Atbasar qalasyna evakýatsııalandy. 

«Qutqarýshylar men jergilikti atqarýshy organdardyń qyzmetkerleri birlesip, táýlik boıy Samarka aýylyndaǵy jalpy bilim beretin mektepti sýdan qorǵaý úshin qosymsha bóget turǵyzyp, qum toltyrylǵan qaptardy tósep jatyr. Sonymen birge, motopompa arqyly sý sorý jumystaryn da shıratyp otyr. Osynyń arqasynda mektep tasqyn sýdan aman qaldy», - dedi vedomstvodan.

Aıta ketsek, budan buryn Aqmol jáne Qarajar aýyldaryna tasqyn sýdan tóngen qaýip seıilgenin jazǵan edik.