Atajurtqa qandastardy shaqyrǵan tuńǵysh qujat 30 jyl buryn qabyldandy

NUR-SULTAN. QazAqparat - Atajurtqa qandastardy shaqyrǵan tuńǵysh qujat 30 jyl buryn qabyldandy. Bul týraly «Otandastar qory» kommertsııalyq emes aktsıonerlik qoǵamy Prezıdentiniń keńesshisi Qalybek Qobylandın «Ulttyq mura» kórmesindegi quttyqtaý sózinde aıtty, dep habarlaıdy QazAqparat qordyń baspasóz qyzmetine silteme jasap.

Búgin Mádenıet jáne sport mınıstrligi Arhıv jáne qujattamany basqarý komıteti, Qoljazbalar jáne sırek kitaptar ulttyq ortalyǵy, Dúnıejúzi qazaqtarynyń qaýymdastyǵy men Otandastar qorynyń uıymdastyrýymen el Táýelsizdiginiń 30 jyldyǵyna oraı «Ulttyq mura» atty kórme ótti.

«1991 jyly 18 qarasha kúni N. Nazarbaevtyń bastamasymen sheteldegi qandastarymyzdy elge kóshirý týraly QazSSR Úkimetiniń 711 qaýlysy qabyldandy. Bul qandastarymyzdyń tarıhı Otanyna oralýyna múmkindik bergen mańyzdy qujat boldy. 1991 jyldan beri Qazaqstanǵa 1 mln-nan astam qazaq kóship keldi. Sol kelgen qandastarymyzben birge ulttyq salt-dástúrimizge, ǵylymǵa, mádenı-rýhanı qazynamyz da keldi», - deıdi Qalybek Qobylandın.