Ataýly áleýmettik kómekti tótenshe jaǵdaı kezinde tóleý avtomatty túrde sozylady

NUR-SULTAN. QazAqparat – Ataýly áleýmettik kómekti tótenshe jaǵdaı kezinde tóleý avtomatty túrde sozylady. Bul týraly QR Eńbek jáne halyqty áleýmettik qorǵaý vıtse-mınıstri Erbol Ospanov Ortalyq kommýnıkatsııalar qyzmetinde ótken brıfıngide aıtty, dep habarlaıdy QazAqparat tilshisi.

«QR Eńbek jáne halyqty áleýmettik qorǵaý mınıstrligi Qazaqstan Respýblıkasynyń aýmaǵynda engizilgen tótenshe jaǵdaı kezinde memlekettiń áleýmettik qamtamasyz etý mindetterin ýaqtyly jáne tolyq oryndaý úshin barlyq is-sharalardy iske asyryp jatyr. Atap aıtqanda, 2021 jyldyń tórtinshi toqsanynda ataýly áleýmettik kómekti tótenshe jaǵdaı kezinde tóleý avtomatty túrde sozylady jáne ol azamattarǵa eshqaıda barýdyń qajeti joq. Múgedektigi bar azamattarǵa tótenshe jaǵdaı kezinde qaıta kýálandyrý ýaqyty kelgen jaǵdaıda múgedektigi avtomatty túrde sozylady jáne de osy azamattarǵa eshqaıda barýdyń qajeti joq», -degen Erbol Ospanov bul jumystar aqparattyq júıe arqyly jasalatynyn túsindirdi.

Sondaı-aq, zeınetaqy men áleýmettik járdemaqy alatyn azamattardyń aldyndaǵy memlekettik mindettemeleri kedergisiz oryndalyp jatqanyn atady.

«Sonymen qatar barlyq zeınetaqy men áleýmettik járdemaqy alatyn azamattardyń aldyndaǵy memlekettik mindettemelerdiń bári ýaqtyly jáne tolyq kólemde oryndalyp jatyr», - dedi vıtse-mınıstr».