Ataýly áleýmettik kómekti taǵaıyndaýda zeınetaqyny kiris kózi retinde esepteý durys pa

ASTANA. QazAqparat - Eń tómengi kúnkóris deńgeıin anyqtaý tártibine qatysty halyq arasynda syn-pikir kóp. Bul týraly búgin Senattaǵy Úkimet saǵatynda Senat tóraǵasynyń orynbasary Bektas Beknazarov aıtty, dep habarlaıdy QazAqparat tilshisi.

"Halyqpen ótken kezdesýlerde eń tómengi kúnkóris deńgeıin anyqtaý tártibine de kóptegen syn-pikir aıtyldy. Bul deńgeı qandaı eseppen anyqtalady? Aıadaı baqshasyna ekken kókónispen nemese 20-30 taýyǵymen kún kórip otyrǵandarǵa bul tabys kózi bolyp eseptele me? Al az ǵana zeınetaqymen jan saqtap júrgen zeınetkerlerimizge qandaı talap qoıylady? Bul zeınetaqyny olarǵa kiris kózi retinde esepteý durys pa? Olar alyp júrgen zeınetaqy kezinde olardyń óz jalaqysynan jınaqtalǵan, qartaıǵanda kún kórý maqsatynda jınaǵan óz qarajaty emes? Ol qalaı kiris kózi bolady?" - dedi senator.

Bektas Beknazarov el azamattarynyń laıyqty ómir súrý deńgeıin qamtamasyz etýge baǵyttalǵan sharalardy zańnamalyq qamtamasyz etýdi kózdeıtin barlyq bastamalardy Parlament ár ýaqytta qoldaýǵa jáne birigip jumys atqarýǵa daıyn ekendigin atap ótti.