Ataýly áleýmettik kómek qujattaryna qatysty aqparat jalǵan - mınıstrlik
11:29, 21 Qańtar 2020
NUR-SULTAN. QazAqparat –Áleýmettik jelilerde taratylǵan HQO-da ataýly áleýmettik kómek qujattaryn qabyldaý týraly aqparat jalǵan. Bul týraly QazAqparat QR Eńbek jáne halyqty áleýmettik qorǵaý mınıstrligine silteme jasap habarlaıdy.
«Áleýmettik jeliler men messendjerlerde taratylǵan ataýly áleýmettik kómekti (budan ári - AÁK) taǵaıyndaý úshin qujattardy halyqqa qyzmet kórsetý ortalyqtarynda berýge bolatyny týraly aqparat shyndyqqa sáıkes kelmeıdi. AÁK taǵaıyndaýǵa ótinishter Halyqty jumyspen qamtý ortalyqtarynda jáne ákimdikter janyndaǵy jumyspen qamtý bólimderinde qabyldanady. Qujattardy 2020 jylǵy qańtardyń sońyna deıin tapsyrýǵa bolady», - delingen habarlamada.