Ataýly áleýmettik kómek qazaqstandyqtardyń tabysyna áser etti

NUR-SULTAN. QazAqparat - 2018 jyldyń sońǵy toqsanynyń qorytyndysy boıynsha ataýly áleýmettik jáne turǵyn úı kómegi arqyly Qazaqstan halqynyń kirisi bir jyldyń ishinde úshten birge ósti, dep habarlaıdy QazAqparat Finprom.kz saıtyna silteme jasap.

2018 jyldyń IV toqsanynyń sońynda adam basyna shaqqandaǵy halyqtyń aqshalaı kirisi 164,7 myń teńgeni qurap, 2017 jyldan 11,3% ósken. Sonymen birge, shyǵyndar da ósip, IV toqsannyń aıaǵynda 163,2 myń teńge bolǵan. Bul aldyńǵy jylmen salystyrǵanda 12,1% artyq. Adam basyna shaqqandaǵy tabys shyǵynnan 1,5 myń teńgege ǵana artyq bolǵan. 2017 jyly aıyrma 2,4 myń teńgeni quraǵan.

Shyǵyndardyń ulǵaıýyna salyqtyń, tólemderdiń jáne t.b. tólemaqylardyń (+13,2%) jáne nesıe men qaryz tóleýge jumsalatyn qarajattyń ósýi (+16% ) yqpal etken.

2018 jyldyń IV toqsanynyń sońynda halyqtyń shyǵystary qurylymynda tutynýshylyq shyǵyndar eń úlken úleske ıe bolǵan - 93,4% nemese 152,4 myń teńge. Nesıe men qaryzdardy óteýge jumsalatyn shyǵyndar 3,8% (6,2 myń teńge).

Eske salaıyq, 2019 jyldyń sońynda jeke tulǵalarǵa berilgen nesıeler boıynsha keshiktirilgen qaryzdar 0,5%, 382,1 mln teńgege deıin azaıǵan. Aqshalaı tabystyń 11,3% ósýine ataýly áleýmettik kómek pen turǵyn úı kómegi (+33,3%) jáne zeınetaqydan túsken tabys (+25,1%) yqpal etken.

2018 jyldyń aıaǵynda bir jumyskerdiń aılyq ortasha jalaqysy bir jylda 7,5% ósken. Ekinshi orynda zeınetaqy tur: 31 myń teńge. Tabystardyń kólemi boıynsha úshtikti týystardan, tanystar men alımentten túsken materıaldyq kómek tuıyqtap tur: 4,7 myń teńge (+6,6%).