Ataýly áleýmettik kómek: Elordada 400-den astam ótinish qabyldandy

NUR- SULTAN. QazAqparat - Búginnen bastap respýblıka boıynsha 21 myń teńgelik járdemaqyny taǵaıyndaýǵa ótinish qabyldanady. Ataýly áleýmettik kómektiń bul túri turmysy tómen barlyq otbasylarǵa beriledi, dep habarlaıdy QazAqparat Astana qalalyq jumyspen qamtý ortalyǵyna silteme jasap.

«1 sáýirden bastap qaladaǵy 5 mekemede, atap aıtqanda Halyqty jumyspen qamtý ortylyǵy jáne 4 aýdan ákimdiginde ataýly áleýmettik kómek boıynsha azamattardan qujat qabyldaý bastaldy. Búgin qala boıynsha 436 adamnan ótinish qabyldandy, onyń ishinde 342-i Halyqty jumyspen qamtý ortalyǵy arqyly, 25 ótinish Almaty aýdany ákimdigi, 19 ótinish Baıqońyr aýdany ákimdigi, 10 ótinish Esil aýdany ákimdigi jáne 40 adam Saryarqa aýdany ákimdigi arqyly ótinish bildirdi. Barlyq ótinish ıelerine tıis konsýltatıvtik kómek kórsetildi», - delingen ortalyqtyń habarlamasynda.

Jumyspen qamtý ortalyǵynyń málimeti boıynsha, AÁK boıynsha halyqpen jumys istep, kómek kórsetý maqsatynda arnaıy oqý kýrsynan ótken 36 maman bekitildi.

Eske sala ketsek, buǵan deıin Astanada ataýly áleýmettik kómek alatyn otbasylardyń sany 2,2 esege artqany týraly habarlaǵan bolatynbyz.