Ataýly áleýmettik kómek alýshylardyń sany ońtaılandyrylady – Erulan Jamaýbaev

ASTANA. QazAqparat – Ataýly áleýmettik kómek alýshylardyń sany ońtaılandyrylady. Bul baǵytta eki birdeı mınıstrlik birlesip jumys istemek. Bul týraly Premer-Mınıstrdiń orynbasary – Qarjy mınıstri mindetin atqarýshy Erulan Jamaýbaev málim etti, dep habarlaıdy QazAqparat tilshisi.

«Qazir qarjy kózderin oılastyratyn bolamyz. Ataýly áleýmettik kómek alýshylardyń sanyn ońtaılandyrý qajet. Sebebi onyń belgili bir krıterııleri bar. Bul baǵytta Eńbek jáne halyqty áleýmettik qorǵaý mınıstrliginen birlesip jumys jasaımyz. Biz tapsyrmany aldyq, endi onyń sheshimin izdeımiz», - dep qysqa qaıyrdy Erulan Jamaýbaev Májilistiń kýlýarynda BAQ ókilderiniń saýalyna jaýap bere turyp.

Aıta ketsek, Memleket basshysy Qasym-Jomart Toqaev búgingi VIII saılanǵan QR Parlamentiniń birinshi sessııasynda bıyl 1 qyrkúıekten bastap asyraýshysynan aıyrylǵan azamattardyń járdemaqysyn 14,5%-ǵa ósirýdi usynǵan edi.

«Asyraýshysynan aıyrylǵan azamattar nazardan tys qalmaýy kerek. Osy oraıda, Úkimetke atalǵan sanattaǵy adamdardyń járdemaqysyn orta eseppen 14,5 paıyzǵa kóbeıtýdi tapsyramyn. Muny bıylǵy 1 qyrkúıekten bastap qolǵa alý qajet. Qazaqstan bizdiń aımaqtaǵy osyndaı áleýmettik járdem beretin jalǵyz memleket deýge tolyq negiz bar», - degen edi Prezıdent.