Ataýly áleýmettik kómek: kimder alady jáne qalaı taǵaıyndalady

<p>ASTANA. KAZINFORM &ndash; Eńbek jáne halyqty áleýmettik qorǵaý mınıstrliginiń málimetine súıensek, bıyl úsh aıda elimiz boıynsha 58,8 myń otbasy (312 myń adam) ataýly áleýmettik kómek alǵan. Osylaısha jalpy sany 58 445 otbasy memlekettik qoldaý sharalarynyń arqasynda kedeılik jaǵdaıynan shyǵyp otyr.&nbsp;</p>

Ótken jyldyń qorytyndysy boıynsha AÁK-ti kóbine túrkistandyqtar alǵan (27 myń otbasy, 23,7%), ekinshi orynda Shymkent qalasy 12,7 myń otbasy (11,2%), odan ári Almaty 9,5 myń otbasy (8,3%) jáne Qyzylorda oblysynda 9,4 myń otbasy (8,2%) ıelengen. Al Ulytaý, Atyraý jáne Soltústik Qazaqstan oblysynda AEK-ti alatyn otbasylar sany az eken.

Mınıstrliktiń aqparatynda aıtylǵandaı, ataýly áleýmettik kómek kóbine balalarǵa taǵaıyndalady (65,4%), odan soń jumys isteıtin azamattarǵa (15,1%), kelesi kezekte balalardy, qarttardy jáne múgedek jandardy kútetin adamdarǵa (12,4%), al qalǵan 7,1%-y basqa sanattaǵy azamattarǵa tıesili.

AÁK-niń negizgi maqsaty – tabysy tómen otbasylardy qarjylaı qoldaý jáne otbasynyń eńbekke qabiletti múshelerin jumyspen qamtýǵa járdemdesý arqyly azamattardy qıyn jaǵdaıdan shyǵarý.

Ataýly áleýmettik kómek qandaı jaǵdaıda taǵaıyndalady:

- tabysy óńirlik eń tómen kúnkóris deńgeıiniń 70%-nan aspaıtyn azamattarǵa toqsan saıyn áleýmettik kómek;

- 1 jastan 6 jasqa deıingi tabysy az otbasylardaǵy ár balaǵa 1,5 AEK mólsherinde aı saıynǵy qosymsha tólem;

- jumyspen qamtýǵa járdemdesý, oqytý, óz isin ashýǵa yntaly otbasylarǵa granttar berý, taǵy sol sııaqty qoldaý kórsetý.