Atamqulov BUU Damý baǵdarlamasynyń jáne ıÝNISEF Turaqty ókilderin qabyldady
«Kezdesý barysynda 2016-2020 jyldarǵa arnalǵan besjyldyq baǵdarlama, 2030 jylǵa deıingi Damý kún tártibi men Ornyqty damý maqsattaryn (ODM) júzege asyrý, sonymen qatar Damýǵa resmı kómektiń ulttyq júıesin damytý sheńberindegi yntymaqtastyq máseleleri talqylandy.
Syrtqy saıası vedomstvosynyń basshysy Qazaqstan Úkimeti ODM-dy júzege asyrý boıynsha júıeli jáne maqsatty jumystar júrgiziletinin habarlady. Osy jyldyń shilde aıynda bizdiń elimiz Nıý-Iork qalasyndaǵy joǵary deńgeıdegi saıası forým aıasynda ODM-dy júzege asyrý boıynsha alǵashqy erikti ulttyq sholýdy usyndy», - delingen QR SІM aqparatynda.
ıA. Berısh QR men BUUDB yntymaqtastyǵynyń únemi artyp kele jatqanyn qanaǵattanarlyqpen atap ótiip, mınıstrdi BUUDB qyzmeti, Qazaqstanda ótkizilip jatqan is-sharalar men jobalar týraly habardar etti. Sonymen qatar ol Qazaqstan Úkimetine Almaty qalasynda BUU-nyń túrli agenttikteri ornalasqan jańa ǵımarat úshin alǵysyn bildirdi.
«Sol kúni SІM basshysy BUU ıÝNISEF Balalar qorynyń jańadan taǵaıyndalǵan Qazaqstandaǵy Ókili Artýr van Dızenmen kezdesti. ıÝNISEF Balalar qoryna Qazaqstan Úkimetine balalardy qorǵaý máseleleri boıynsha kórsetip jatqan qolǵabys úshin alǵys bildirildi. 2019 jyly ıÝNISEF Qory memleketimizde ıývenaldy ádiletti damytý, balalarǵa meıirimdi sot tóreligin qurýǵa baǵyttalǵan baǵdarlamalar men jobalardy júzege asyrý arqyly Qazaqstan Úkimetimen yntymaqtastyǵyn belsendi jalǵastyryp keledi», - dedi vedomstvodan.
BUU damý baǵdarlamasy (BUUDB) QR aýmaǵynda áreket etetin BUU-nyń eń iri agenttigi bolyp tabylady. BUUDB Qazaqstanǵa kómek kórsetý baǵdarlamasyn 1993 jyly bastady. 1994 jyly qazanda QR Úkimeti men BUUDB arasynda Qazaqstandaǵy baǵdarlama qyzmetiniń basym baǵyttaryn qamtıtyn yntymaqtastyq týraly kelisimge qol qoıyldy.
ıÝNISEF óz jumysyn Qazaqstanda 1992 jyly bastady. 1999 jyly Almatyda Ortalyq Azııa elderi men Qazaqstan boıynsha aımaqtyq ofıs ashyldy, 2001 jyly Nur-Sultanda keńse ashyldy.