«Atameken» UKP basqarý jáne reformalaý máselesi qaralmaq

NUR-SULTAN. QazAqparat – «Atameken» ulttyq kásipkerler palatasy 18 aqpanda kezekten tys ІH sezi ótetinin málim etti, dep habarlaıdy QazAqparat tilshisi.

Bul týraly palatanyń baspasóz qyzmeti málimet taratty.

«Kezekten tys sezdi ótkizý týraly sheshimdi «Atameken» UKP tóralqa músheleri shyǵardy. Kún tártibinde 4 másele qaralady». – dep jazylǵan resmı aqparatta.

Sonymen kezekten tys sezde myna máseleler qaralmaq:

- UKP basqarý organdarynyń keıbir máselesi;

- UKP qyzmetin reformalaý;

- Kásipkerlikti damytýdyń ózekti máseleleri;

- Basqa da məseleler.

Eske salsaq, osydan bir aıǵa jýyq ýaqyt buryn «Atameken» ulttyq kásipkerler palatasy prezıdıýmynyń tóraǵasy Tımýr Qulybaev qyzmetinen ketken bolatyn.

«Qurmetti áriptester! Búginnen bastap men «Atameken» ulttyq kásipkerler palatasy tóralqasynyń saılanǵan tóraǵasy retindegi ókiletimdi doǵarýdy uıǵardym. Sez delegattary men tóralqa múshelerine maǵan senim bildirgeni úshin alǵys aıtqym keledi. Ulttyq kásipkerler palatasynyń joǵary baqylaý organyn segiz jyl boıy basqarý men úshin úlken qurmet pen jaýapkershilik boldy», - dep jazdy ol atalmysh sheshim týraly málimdemesinde.