«Atameken» shyǵyn aýqymyn foto, vıdeo arqyly tirkeýdi surap otyr
Almaty qalasynyń ulttyq keńesi qazaqstandyq jer qoınaýyn ıgerýshiler men iri kásipkerlerge júginip, tártipsizdikterden zardap shekken shaǵyn jáne orta bıznes nysandaryn iske qosý boıynsha qarjylaı qoldaý bildirip, kómek kórsetýdi surady.
«Atameken» ulttyq kásipkerler palatasy bıznes ókilderiniń bul bastamasyn qoldady. Palata kásipkerlerden tártipsizdikter kezinde kelgen shyǵynnyń aýqymy men kólemin foto jáne vıdeo derekter arqyly tirkeýdi surap otyr. Bul kómek suraý kezinde shyǵynnyń kólemin dáleldeý úshin qajet.
«Shyǵyn týraly aktini óz kúshterińizben aldyn ala rásimdeýdi suraımyz», - delingen ulttyq palata habarlamasynda.
Eske salsaq, «Kúshimiz birlikte» qoryna jınalǵan qarajat tártipsizdikter kezinde zardap shekken kásipkerlik nysandaryna kómek retinde baǵyttalady. Ol úshin komıssııanyń tıisti sheshimi qajet.