Ataqty ánshi Andrea Bochellı Dımash Qudaıbergenge batasyn berdi

NUR-SULTAN. QazAqparat - Dımash Qudaıbergen tanymal ıtalııalyq ánshi, klassıka jáne keńinen taralǵan mýzykalardyń oryndaýshysy Andrea Bochellımen Beıjińde kezdesti, dep habarlaıdy QazAqparat.

«Andrea Bochellı aǵamyzben sahna syrtynda kóristik. Aǵamyz meniń shyǵarmashylyǵymdy qoldap júretindigin aıtyp, batasyn berdi. Kórgenime qýanyshtymyn ańyz tulǵa!», - dep jazdy Dımash Qudaıbergen Instagram paraqshasynda.

«Seniń qalaı án shyrqaıtynyńdy estidim. Qatty tańǵaldym, seniń daýysyń keremet», - dedi Andrea Bochellı qazaqstandyq ánshi bólisken vıdeoda.

Aıta keteıik, Beıjińde búgin Azııa mádenıetiniń karnavaly ótip jatyr. Іs-sharaǵa tanymal qytaılyq jáne álemdik ánshiler qatysyp jatyr. Azııa mádenıeti karnavalynyń ashylý saltanatynda Dımash Qudaıbergen birneshe ánshimen birge án shyrqaıdy.