Ataqty tennısshi Qazaqstan quramasyna aq jol tiledi

<p>Ataqty tennısshi Bıllı Djın Kıng Qazaqstan ulttyq quramasynyń múshelerimen kezdesip, aq jol tiledi, dep habarlaıdy Kazinform.</p>

Bıllı Djın Ispanııanyń Sevılıa qalasynda ótip jatqan óziniń atymen atalatyn komandalyq álem chempıonatynda baq synaıtyn 12 quramanyń ishinde osaly joq ekendigin málimdedi.

Dúnıejúzilik tennıs federatsııasynyń prezıdenti Devıd Haggertımen birge Qazaqstan quramasymen júzdesken tennısshi ár match, ár set, ár geımniń sheshýshi bolatyndyǵyn aıtty. Tipti onyń ár sáti matchtyń nátıjesine áser etýi ábden múmkin. Jeńil báseke múlde bolmaıdy. Sondyqtan oıynshylar komandalyq álem chempıonatynda kortqa tastúıin daıyndyqpen shyǵa bilýi tıis.

Bıllı Djın Qazaqstan men álemde tennıstiń damýyna qosqan úlesi úshin Qazaqstan tennıs federatsııasynyń prezıdenti Bolat Ótemuratovqa rızashylyǵyn jetkizýdi ótindi. Sonymen qatar aldaǵy oıyndarda Qazaqstan quramasyna sáttilik tiledi.

Eske sala keteıik, budan buryn Arýjan Saǵyndyqovanyń tennısten el namysyn qorǵaý úlken qurmet ekendigi týraly aıtqanyn jazǵan bolatynbyz.

Beıbit Juqaev AQSh-ta kezekti jeńisine qol jetkizdi.